மேன்முறையீடு செய்யும் முறை
2025/2026 ஆம் கல்வி ஆண்டின் சாதாரண அனுமதியின் கீழ் பரீட்சார்த்திகளின் தெரிவு பூரணப்படுத்தப்பட்டதன் பின்னர், சாதாரண அனுமதி சம்பந்தமாக பரீட்சார்த்திகளால் செய்யப்படும் மேன்முறையீடுகளை ஆராய்ந்து அறிக்கையிட ஒரு மேன்முறையீட்டுக் குழுவை பல்கலைக்கழக மானியங்கள் ஆணைக்குழு (ப.மா.ஆ.) நியமிக்கும். மேன்முறையீடுகள் பின்வருவோரிடமிருந்து ஏற்றுக்கொள்ளப்படும்.
இக் கைந்நூலின் 03ஆம் பகுதியின் ஏற்பாடுகளுக்கு உட்பட்டு ஒரு குறிப்பிட்ட பல்கலைக்கழகத்தின் கற்கைநெறிக்கு தெரிவுக்கென பல்கலைக்கழக அனுமதிக்கான தேவைப்பாடுகள் பூர்த்தி செய்யப்பட்டு அறிவிக்கப்பட்ட ஆகக்குறைந்த ‘Z’ புள்ளிகளைக் கொண்டிருந்தும் தெரிவு செய்யப்படாத விண்ணப்பதாரிகள்.
இக் கைந்நூலின் பகுதி 03 இன் ஏற்பாடுகளுக்கு உட்பட்டு பல்கலைக்கழக அனுமதிக்கான தேவைப்பாடுகளை பூர்த்தி செய்து ஒரு குறித்த கற்கைநெறிக்கு தெரிவு செய்யப்பட்டு, ஆனால் தாம் குறிப்பிட்ட வேறொரு கற்கைநெறிக்குத் தகுதியுடையவர்களெனக் கருதும் விண்ணப்பதாரிகள்.
அனுமதிக்கான தேவைப்பாடுகளை நிறைவேற்றியிருந்தால் தமது பல்கலைக்கழகம்/உயர்கல்வி நிறுவனத்தின் கற்கைநெறியை விண்ணப்பத்தில் குறைந்த விருப்புரிமையாக குறிப்பிட்ட மற்றுமொரு பல்கலைக்கழகம்/உயர்கல்வி நிறுவனத்தின் கற்கைநெறிக்கு மாற்றுவதற்கு கோரிக்கை விடுக்கும் விண்ணப்பதாரிகள். (கற்கைநெறியின் மாற்றமொன்றுக்கான மேன்முறையீடுகளை கரிசனைக்கு எடுக்க வேண்டுமாயின், குறிப்பிட்ட கற்கைநெறியில் வெற்றிடங்கள் இருக்க வேண்டும். வெற்றிடங்களை விட அதிகளவு விண்ணப்பதாரிகள் இருந்தால் மாணவர்களின் Z-புள்ளி ஒழுங்கு கரிசனைக்கு எடுக்கப்படும்.)
குறித்த கற்கைநெறிக்கு விண்ணப்பிக்காத, அந்த கற்கைநெறிக்கான அனுமதிக்கான தேவைப்பாடுகளை பூர்த்தி செய்த விண்ணப்பதாரர்கள். (இந்தப் பிரிவில் மேன்முறையீடுகளை கரிசனைக்கு எடுக்கவேண்டுமாயின் சம்பந்தப்பட்ட கற்கைநெறியில் வெற்றிடம் இருக்க வேண்டும். வெற்றிடங்களை விட அதிகளவு மேன்முறையீட்டாளர்கள் இருந்தால் மாணவர்களின் Z-புள்ளி ஒழுங்கு கரிசனைக்கு எடுக்கப்படும்.)
- விசேட ஏற்பாடுகளின் கீழ் அனுமதி
- மேலதிக அனுமதியின் கீழ் விசேட பாடங்களுக்கான அனுமதி
- வெற்றிடங்களை நிரப்புவதற்கான அனுமதி
📮 மேன்முறையீடு செய்யும் முறை
மேன்முறையீடு செய்ய விரும்புவோர் இக்கைந்நூலின் பகுதி 10 இன் இணைப்பு–I இல் வழங்கப்பட்டுள்ள மேன்முறையீட்டிற்கான மாதிரி விண்ணப்பப்படிவத்தை நிரப்பி, வெட்டுப்புள்ளிகள் (வெ.பு) பிரசுரிக்கப்பட்டு 3 வாரங்களுக்குள் பின்வரும் முகவரிக்கு, கடித உறையின் இடதுபக்க மேல் மூலையில் “Appeals – University Admissions” என்று குறிப்பிட்டு அனுப்பி வைக்கவும்:
University Grants Commission,
No. 20, Ward Place, Colombo 07
அல்லது பல்கலைக்கழக மானியங்கள் ஆணைக்குழுவிலுள்ள மக்கள் தொடர்பு அலுவலகத்தில் (Public Relations Office at the UGC) நேரடியாக சமர்ப்பிக்கலாம். சமர்ப்பிக்கும் போது வழங்கப்படும் ஒப்புகைச் சீட்டை (Acknowledgement Receipt) தங்களுடனேயே வைத்திருக்க வேண்டும்.
💰 கொடுப்பனவு விபரம்
ஒவ்வொரு மேன்முறையீட்டிற்கும் ரூபா 500/- கொடுப்பனவு செய்யப்பட வேண்டும். ப.மா.ஆ.விற்கு பணம் செலுத்துவதற்கான கொடுப்பனவுப் பற்றுச்சீட்டை நிரப்பி, இலங்கை வங்கியின் அல்லது மக்கள் வங்கியின் ஏதாவது ஒரு கிளையில்:
🏦 இலங்கை வங்கியின் சுதந்திரச் சதுக்க கிளையிலுள்ள ப.மா.ஆ. திரட்டுக் கணக்கு இலக்கம் 0002323287
🏦 மக்கள் வங்கியின் நகர மண்டபக் கிளையிலுள்ள திரட்டுக் கணக்கு இலக்கம் 167-1-001-4-3169407
இன் அல்லது இவ்வரவிற்கு கொடுப்பனவு செய்யப்பட வேண்டும். ஒவ்வொரு மேன்முறையீட்டுடனும் மேற்கூறிய வங்கிகளில் ஒன்றின் இலச்சினையுடன் அதிகாரமுடைய அலுவலர் ஒருவரினால் ஒப்பமிடப்பட்ட கொடுப்பனவு பற்றுச்சீட்டின் அடிக்கட்டை இணைக்கப்பட வேண்டும். பணம் செலுத்தப்படாத எந்த மேன்முறையீடும் ஏற்றுக்கொள்ளப்படவோ பதிலளிக்கப்படவோ மாட்டாது. மேலும், பூரணப்படுத்தப்படாத தெளிவற்ற மேன்முறையீடுகள் நிராகரிக்கப்படும்.
❌ தொலைநகல் (Fax), மின்னஞ்சல் (E-mail) மூலமாக மேற்கொள்ளப்படும் மேன்முறையீடுகள் கருத்தில் கொள்ளப்படமாட்டாது.
📝 மேன்முறையீட்டு படிவங்கள் பல்கலைக்கழக மானியங்கள் ஆணைக்குழுவின் இணையத்தளத்திலும் கிடைக்கப்பெறும்: 🌐 www.ugc.ac.lk
🖨️ ஒன்றுக்கு மேற்பட்ட மேன்முறையீட்டை அனுப்ப விரும்பினால், விண்ணப்பப் படிவத்தின் நகல் பிரதியை (Photocopy) பயன்படுத்தலாம்.