சாரதி (தரம் III) பதவிக்கான திறந்த ஆட்சேர்ப்பு – 2026

சாரதி (தரம் III) பதவிக்கான திறந்த ஆட்சேர்ப்பு – 2026

இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழு

46வெற்றிடங்கள்

2026.10.16இறுதித் திகதி

25 – 45வயதெல்லை

ரூ. 43,280ஆரம்பச் சம்பளம்

2023 ஆம் ஆண்டின் 9 ஆம் இலக்க ஊழல் எதிர்ப்புச் சட்டத்தின் 26(1) பிரிவின்படி, ஆணைக்குழுவின் முதன்மை நிலை (தொழில்முறை) சாரதி தரம் III பதவியின் 46 வெற்றிடங்களை நிரப்ப, தகுதிகளைப் பூர்த்தி செய்துள்ள இலங்கைப் பிரசைகளிடமிருந்து விண்ணப்பங்கள் கோரப்படுகின்றன.

விண்ணப்ப முடிவுத் திகதி : 2026.10.16

1. தகைமைகள்

1.1 கல்வித் தகைமைகள்சிங்களம்/தமிழ் மொழி உட்பட ஆறு பாடங்களில், இரண்டு திறமைச் சித்திகளுடன், க.பொ.த சாதாரண தரப் பரீட்சையில் இரண்டு அமர்வுகளுக்கு மேற்படாமல் தேர்ச்சி பெற்றிருத்தல்.

1.2 தொழில் சார் தகைமைமோட்டார் வாகனப் போக்குவரத்து ஆணையாளர் நாயகத்தால் வழங்கப்பட்ட கனரக வாகனங்களை ஓட்டுவதற்கான சாரதி அனுமதிப் பத்திரம்.

1.3 அனுபவம்வாகன சாரதியாக 3 ஆண்டுகள் (பகுதி/தொடர்ச்சியான) அனுபவம் – அனுபவச் சான்றிதழ்கள் மூலம் நிரூபிக்கப்படல் வேண்டும்.

1.4 உடல் சார் தகைமைஇலங்கையின் எப்பகுதியிலும் பணியாற்ற உடல், மனரீதியாகத் தகுதி; இரவும் பகலும் நல்ல கண்பார்வை (மருத்துவச் சான்றிதழ் அவசியம்); உயரம் குறைந்தது 5 அடி.

1.5 ஏனையவை

• இலங்கைப் பிரசையாக இருத்தல்.
• சிறந்த நன்னடத்தை உடையவராக இருத்தல்.
• விண்ணப்ப இறுதித் திகதியன்று அனைத்துத் தகைமைகளையும் பூர்த்தி செய்திருத்தல்.

2. வயதெல்லை

ஆகக் குறைந்த எல்லை	உச்ச எல்லை
25 வருடங்கள்	45 வருடங்கள்

3. சம்பளத் திட்டம்

ரூபா 43,280 – 10×490 – 10×540 – 10×590 – 12×630 – ரூபா 67,040

• சம்பளக் குறியீடு : AC-PL-3-2025; ஆரம்பச் சம்பளப் படிநிலை ரூபா 43,280/-
• 2026.03.17 அன்று பாராளுமன்றத்தால் அங்கீகரிக்கப்பட்ட இதர படிகளும் வழங்கப்படும்.
• 2027.01.01 இற்கு முன் ஆட்சேர்ப்பு செய்யப்பட்டால், சம்பள விகிதத்தின் அட்டவணை II இன் படி ரூபா 40,834.00 வழங்கப்படும்.

4. ஆட்சேர்ப்பு முறை

100 வீதம் திறந்த அடிப்படையில் – தொழில்கல்விப் பரீட்சை மற்றும் கட்டமைக்கப்பட்ட நேர்முகப் பரீட்சை மூலம்.

4.1 தொழில்கல்விப் பரீட்சை

புள்ளி வழங்கப்படும் தலைப்புகள்	உச்சப் புள்ளிகள்	சித்திப் புள்ளிகள்
ஓட்டுநர் திறன்	40	20
நெடுஞ்சாலைப் போக்குவரத்து விதிகள் குறித்த நடைமுறை அறிவு	40	20
மோட்டார் இயந்திரவியல் விஞ்ஞானம் குறித்த அடிப்படை அறிவு	20	10

தொழில்கல்விப் பரீட்சை சபை

• ஆணைக்குழுவின் ஒரு நிறைவேற்றுத்தர அதிகாரி (தலைவர்)
• மோட்டார் போக்குவரத்துத் திணைக்களத்தின் ஒரு மோட்டார் வாகன ஆய்வாளர்
• போக்குவரத்துப் பொலிஸ் பிரிவின் ஒரு அலுவலர்

4.2 கட்டமைக்கப்பட்ட நேர்முகத் தேர்வு

முக்கிய விடயங்கள்	உச்சப் புள்ளிகள்	தெரிவுக்கான ஆகக்குறைந்த புள்ளிகள்
மேலதிக கல்வித் தகைமைகள்	20	60
மேலதிக சேவை அனுபவம்	15
ஏனைய மொழித் தேர்ச்சி	10
விடய அறிவு	25
நேர்காணல் திறன்கள்	30
மொத்தம்	100

நேர்முகத் தேர்வு சபை மூன்று அங்கத்தவர்களைக் கொண்டது.

தெரிவு முறை

• தொழில்முறைத் தேர்வில் 50 புள்ளிகளுக்கு மேல் பெற்றவர்கள் நேர்முகத் தேர்வுக்கு அழைக்கப்படுவர்.
• இரண்டு தேர்வுகளிலும் அதிகூடிய மொத்தப் புள்ளிகளைப் பெறுவோர், வெற்றிடங்களின் எண்ணிக்கைக்கு ஏற்பத் தேர்ந்தெடுக்கப்படுவர்.
• நேர்முகத் தேர்வின் விரிவான புள்ளித் திட்டம் ஆணைக்குழுவால் அங்கீகரிக்கப்படும்.

5. சேவை நிபந்தனைகள்

• 2026.09.01 திகதியிட்ட 2504/07 ஆம் இலக்க அதிவிசேட வர்த்தமானியில் வெளியிடப்பட்ட ஆட்சேர்ப்புத் திட்டத்தின் விதிகளுக்கு உட்பட்டது.
• பதவி நிரந்தரமானது; ஊழியர் சேமலாப நிதி (EPF) மற்றும் ஊழியர் நம்பிக்கைப் பொறுப்பு நிதி (ETF) நலன்கள் உரித்தானவை.
• 3 வருட தகுதிகாண் காலம்; 3 வருடங்களுக்குள் செயற்றிறன் தகுதித் தேர்வில் (Efficiency Bar) தேர்ச்சி பெறல் வேண்டும்.
• தகுதிகாண் காலத்தின் முடிவில், திருப்திகரமான பணி, வருகை, நடத்தை மற்றும் தகுதித் தேர்வில் தேர்ச்சி ஆகியவற்றின் அடிப்படையில் பணி நிரந்தரமாக்கப்படும்.
• அரச கரும மொழி அல்லாத மொழியில் சேர்ந்தோர், தகுதிகாண் காலத்தில் பரிந்துரைக்கப்பட்ட மொழித் தேர்ச்சியைப் பெறல் வேண்டும்.
• ஊழல் எதிர்ப்புச் சட்டம் (2023/09), ஆணைக்குழுவின் விதிகள், தாபன விதிக்கோவை பாகம் II, நிதிப் பிரமாணங்கள் மற்றும் சுற்றுநிருபங்களுக்கு உட்பட்டது.
• விண்ணப்பத்தில் குறிப்பிட்ட மொழி மூலத்தை மாற்ற அனுமதிக்கப்படாது.

6. ஆளடையாளம்

அனைத்து வகையிலும் முழுமையான விண்ணப்பங்களை அனுப்பியவர்கள் மட்டுமே பரீட்சைக்கு அழைக்கப்படுவர். ஆளடையாளத்தை நிரூபிக்க ஏற்றுக்கொள்ளப்படுபவை:

• செல்லுபடியாகும் தேசிய அடையாள அட்டை
• செல்லுபடியாகும் கடவுச்சீட்டு
• செல்லுபடியாகும் சாரதி அனுமதிப்பத்திரம்

7. விண்ணப்பிக்கும் முறை

• விண்ணப்பங்களை A4 தாளில் தயாரித்து, ஆங்கிலத்தில் மட்டும் (English block capitals) பூர்த்தி செய்தல் வேண்டும். மாதிரிப் படிவம் கீழே உள்ள பொத்தானில் உள்ளது.
• உறையின் இடது மேல் மூலையில் “சாரதி பதவியின் தரம் III இற்கான ஆட்சேர்ப்பு” எனக் குறிப்பிடல் வேண்டும்.
• பதிவுத் தபால் மூலம் 2026.10.16 அன்றோ அதற்கு முன்போ கிடைக்கக்கூடியதாக அனுப்பல் வேண்டும். பிந்தியவை நிராகரிக்கப்படும்.
• தபாலில் தொலைந்த/தாமதமான விண்ணப்பங்கள் குறித்த முறைப்பாடுகள் ஏற்கப்படமாட்டா.

பணிப்பாளர் நாயகம்,
இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழு,
தபால் பெட்டி இல. 1431,
36, மலலசேகர மாவத்தை,
கொழும்பு 07.

கையொப்ப அத்தாட்சிப்படுத்தல்விண்ணப்பதாரரின் கையொப்பத்தை பின்வருவோரில் ஒருவர் அத்தாட்சிப்படுத்தல் வேண்டும்:

• அரசாங்கப் பாடசாலை அதிபர் / சமாதான நீதவான் / சத்தியப்பிரமாண ஆணையாளர்
• சட்டத்தரணி / பிரசித்த நொத்தாரிசு / முப்படை ஆணை பெற்ற உத்தியோகத்தர்
• அரச/மாகாணப் பொதுச் சேவையில் நிரந்தரப் பதவியில் மாதம் ரூபா 71,240/- அல்லது அதற்கு மேல் ஒருங்கிணைந்த சம்பளம் பெறும் அதிகாரி

இணைக்க வேண்டிய ஆவணங்கள் (அத்தாட்சிப்படுத்தப்பட்ட பிரதிகள்)

• தேசிய அடையாள அட்டை
• பிறப்புச் சான்றிதழ்
• கல்வித் தகைமைச் சான்றிதழ்கள்
• தொழிற் கல்வித் தகைமைச் சான்றிதழ்கள்
• அனுபவத்தை உறுதிப்படுத்தும் சான்றிதழ்கள்
• விண்ணப்ப முடிவுத் திகதிக்கு முன் ஒரு மாதத்திற்குள் பெற்ற மருத்துவச் சான்றிதழ்கள்
• சமீபத்திய 2 நன்னடத்தைச் சான்றிதழ்கள்

கவனத்திற்கு : மேற்கூறியவை தவிர வேறு ஆவணங்களை இணைக்கக் கூடாது. நேர்முகத் தேர்வின் போது மூலப்பிரதிகள் சமர்ப்பிக்கப்படல் வேண்டும். தவறான தகவல் வழங்கினால் விண்ணப்பம் ரத்து செய்யப்படும்; நியமனத்தின் பின் கண்டறியப்பட்டால் பணி நீக்கம் செய்யப்படும்.

வெற்றிடங்களை நிரப்புவது/நிரப்பாமல் விடுவது குறித்த இறுதி முடிவு ஆணைக்குழுவுக்கு உரியது. சிங்கள, தமிழ், ஆங்கில உரைகளுக்கிடையே வேறுபாடு இருப்பின் சிங்கள உரையே மேலோங்கும்.

விண்ணப்பப் படிவம் ➤ மேலதிக தகவல்கள் ➤

ஆர்.எஸ்.ஏ. திசாநாயக்க, பணிப்பாளர் நாயகம்
இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழு

பயனுடைய தகவல்களை பெற எமது WhatsApp Channel இல் இணைந்திருங்கள்

WhatsApp Channel இல் இணைய ➤