க.பொ.த (உ/தர) பரீட்சை – 2026
விடைத்தாள் மதிப்பீட்டு பரீட்சகர்கள்
தேர்வுக்கான விண்ணப்பப்படிவம்
மிக முக்கியம்: கோரப்பட்ட சகல தகவல்களும் சரியாகப் பூரணப்படுத்தப்படல் வேண்டும். பூரணப்படுத்தப்படாத, தவறான தகவல்கள் வழங்கப்பட்ட விண்ணப்பப்படிவங்கள் எந்தவித அறிவித்தலுமின்றி நிராகரிக்கப்படும்.
விண்ணப்பப்படிவத்தைப் பூரணப்படுத்தல்
பின்வரும் தகுதிகளைப் பூர்த்தி செய்த தற்போது கல்வி அமைச்சின் / மாகாண கல்வித் திணைக்களத்தின் கீழ் பாடசாலைகளில் பணிபுரிகின்ற ஆசிரியர்கள் மற்றும் க.பொ.த (உ/தர) விடைத்தாள் மதிப்பீட்டுப் பணியில் ஈடுபட்ட அனுபவமிக்க ஆசிரிய ஆலோசகர்கள் இதற்காக விண்ணப்பிக்க முடியும்:
Step – 3 இன் கீழ் விண்ணப்பிக்கும் பாடத்திற்குரிய கல்வி மற்றும் தொழிற்தகமைத் தகுதிகளை உள்ளீட்டல் கட்டாயமாகும். அவ்வாறு பூரணப்படுத்தப்படாத விண்ணப்பப்படிவங்கள் நிராகரிக்கப்படும்.
Step – 5 இன் கீழ் குறிப்பிடப்பட்டுள்ள தகவல்களைப் பூரணப்படுத்துவது கட்டாயமாவதோடு அவ்வாறு பூரணப்படுத்தப்படாத விண்ணப்பப்படிவங்கள் நிராகரிக்கப்படும்.
தாங்கள் அல்லது தங்கள் குடும்ப உறுப்பினர் ஒருவர் பரீட்சைக்கு தோற்றுவாராயின் தங்களால் விண்ணப்பிக்க முடியாது.
இரண்டு பாடங்களுக்கு விண்ணப்பிப்பவர்கள் கீழே தரப்பட்டுள்ள பாடத் தொகுதிகளுக்கிடையில் மட்டும் விண்ணப்பிக்க முடியும்:
விண்ணப்பப்படிவங்களை நிகழ்நிலையில் (Online) மட்டுமே விண்ணப்பிக்க முடியும். அரச பாடசாலை ஆசிரியர்களின் விண்ணப்பப்படிவங்கள் நிகழ்நிலையில் அதிபரின் சான்றுபடுத்தலுடன் பரீட்சைத் திணைக்களத்திற்கு அனுப்புவதோடு சான்றுப்படுத்திய விண்ணப்பப்படிவங்கள் தொடர்பில் சாரம்சம் பாடசாலையில் / அலுவலகத்தில் கோவைப்படுத்தி வைக்கவேண்டும்.
இப்பரீட்சையின் மதிப்பீட்டு நிலையங்கள் பின்வரும் இடங்களில் நிறுவப்படவுள்ளது (மதிப்பீட்டுக் காலம் சுமார் 14 நாட்களாக அமையும்):
விண்ணப்பப்படிவத்தை பதிவிறக்கம் செய்தல்
சகல அரச பாடசாலைகளிலுமுள்ள ஆசிரியர்கள் அதிபரின் சான்றுபடுத்தலின் பின்னர் தமது விண்ணப்பப்படிவத்தை பதிவிறக்கம் செய்து பிரதியை வைத்திருத்தல் கட்டாயமாகும்.
புதிய விண்ணப்பதாரிகள் மட்டும் பதிவிறக்கம் செய்த விண்ணப்பப்படிவத்தை Step – 3 இன் கீழ் குறிப்பிட்ட தகுதிகளை உறுதிப்படுத்தும் சான்றிதழ் பிரதிகளுடனும் ஆசிரிய நியமனக் கடிதத்தின் பிரதியுடனும் அதிபர் மூலம் உறுதிப்படுத்தப்பட்டு இணைப்பாக பரீட்சைத் திணைக்களத்திற்கு அனுப்பி வைப்பதோடு அதன் இணைப்புடன் கூடிய பிரதியொன்றை கோவைப்படுத்தி வைப்பதற்காக பாடசாலைக்கு வழங்கவேண்டும்.
விண்ணப்பப்படிவத்தினை உறுதிப்படுத்தல்
ஆசிரியர்களின் விண்ணப்பப் படிவங்கள் பாடசாலை அதிபராலும்; வலயத்திற்கு இணைக்கப்பட்டுள்ள ஆசிரிய ஆலோசகர்களின் / தவறாளர்களின் விண்ணப்பப்படிவங்கள் வலயக் கல்விப் பணிப்பாளராலும்; கோட்டத்திற்கு இணைக்கப்பட்டுள்ள ஆசிரிய ஆலோசகர்களின் விண்ணப்பப்படிவங்கள் கோட்டக் கல்விப் பணிப்பாளராலும்; தனியார் மற்றும் சர்வதேச பாடசாலை ஆசிரியர்களின் விண்ணப்பப்படிவங்கள் நிறுவனத் தலைவர் மூலமாகவும் உறுதிப்படுத்தப்படல் வேண்டும்.
விண்ணப்பப்படிவத்தை உறுதிப்படுத்துவதற்கான அறிவுறுத்தல்கள் (அதிபர் / நிறுவனத் தலைவர்)
விண்ணப்பதாரி நிகழ்நிலையில் (Online) குறிப்பிடப்பட்டுள்ள விபரங்கள் யாவும் சரியானவையா என்பதைப் பரிசீலிக்கவும்.
விண்ணப்பப்படிவத்தில் குறிப்பிட்ட தகவல் சரியானது என்பதை சான்றுப்படுத்தும் சந்தர்ப்பத்தில் தனித்தனியே உறுதிப்படுத்த வேண்டும்.
அரச பாடசாலை ஆசிரியர்களுக்கு நிகழ்நிலையில் விண்ணப்பப்படிவங்களை உறுதிப்படுத்தும் சந்தர்ப்பத்தில் Verification status இல் குறிப்பிடப்பட்டுள்ள விடயங்களின் கீழ் விண்ணப்பதாரி அரச பாடசாலை ஆசிரியர் அல்லாதுவிடின் அவர் பற்றி தங்களது கணிப்பை பின்வரும் ஆங்கில எழுத்துக்களில் குறிப்பிட்டுக் காட்டுதல் வேண்டும்:
| மதிப்பீடு | ஆங்கில எழுத்து | அர்த்தம் |
|---|---|---|
| A | A | சிறப்பானது (Excellent) |
| B | B | நன்று (Good) |
| C | C | சாதாரணம் (Average) |
| W | W | பலவீனம் (Weak) |
இது அந்தரங்க அறிக்கையாகும். சகல அரச பாடசாலை ஆசிரியர்களின் விண்ணப்பப்படிவங்களும் தங்களால் நிகழ்நிலை (Online) முறையில் பரீட்சைத் திணைக்களத்திற்கு அனுப்பி வைக்கப்பட வேண்டும்.