📢 அவசர அறிவிப்பு: வாரத்தில் ஒரு நாள் அரச அலுவலகங்களுக்கு விடுமுறை - புதிய சுற்றறிக்கை வெளியீடு!
மத்திய கிழக்கு பிராந்தியத்தில் ஏற்பட்டுள்ள போர் பதற்றங்கள் காரணமாக எதிர்காலத்தில் ஏற்படக்கூடிய எரிபொருள் விநியோகச் சிக்கல்களைக் கருத்திற்கொண்டு, இலங்கை அரசாங்கம் புதிய தீர்மானம் ஒன்றை எடுத்துள்ளது. இது தொடர்பான மேலதிக விபரங்கள் வருமாறு:
🗓️ புதன்கிழமை விடுமுறை தினம்
எரிபொருள் பயன்பாட்டைக் கட்டுப்படுத்தும் நோக்கில், மீண்டும் அறிவிக்கும் வரை ஒவ்வொரு வாரமும் புதன்கிழமை அரச அலுவலகங்களுக்கு விடுமுறை தினமாக அறிவிக்கப்பட்டுள்ளது.
- புதன்கிழமைகளில் மேற்கொள்ளப்பட வேண்டிய கடமைகளை அதே வாரத்தின் செவ்வாய்க்கிழமைகளில் நிறைவேற்ற வேண்டும்.
- அன்றைய தினம் (புதன்கிழமை) ஒரு உத்தியோகத்தரை சேவைக்கு அழைப்பதா இல்லையா என்பதைத் தாபனத் தலைவரே தீர்மானிப்பார்.
- அவ்வாறு அழைக்கப்படும் உத்தியோகத்தர்களுக்கு மேலதிக நேரக் கொடுப்பனவோ அல்லது ஈடுசெய் விடுமுறையோ வழங்கப்படமாட்டாது.
💻 வீட்டிலிருந்தே வேலை செய்யும் முறை (Work from Home)
தொழில்நுட்ப வசதிகள் உள்ள திணைக்களங்கள் மற்றும் அரச கூட்டுத்தாபனங்கள், உத்தியோகத்தர்களை அலுவலகத்திற்கு அழைக்காமல் அவர்களின் சேவையைப் பெற்றுக்கொள்வதற்கான விசேட வேலைத்திட்டங்களை உருவாக்க முடியும்.
🚫 மேலதிக நேரக் கொடுப்பனவு மற்றும் கட்டுப்பாடுகள்
- புதன்கிழமைகளில் மூடப்படும் அலுவலகங்களின் ஊழியர்களை சனி, ஞாயிறு அல்லது பொது விடுமுறை நாட்களில் மேலதிக நேரக் கொடுப்பனவு அடிப்படையில் வேலைக்கு அமர்த்தக் கூடாது.
- எனினும், அவசரத் தேவை கருதி உரிய உயர்மட்ட அனுமதியுடன் விடுமுறை நாட்களில் பணிக்கு அழைக்கப்படும் ஊழியர்களுக்கு மேலதிக நேரக் கொடுப்பனவு அல்லது ஈடுசெய் விடுமுறை பெறத் தடையிருக்காது.
🏥 அத்தியாவசிய சேவைகள் மற்றும் விதிவிலக்குகள்
- இந்தச் சுற்றறிக்கையானது அத்தியாவசிய சேவைகளை வழங்கும் நிறுவனங்களுக்குப் பொருந்தாது. அவை வழக்கம் போல இயங்கும்.
- ஏற்கனவே சுழற்சி முறையில் (Rotation basis) இயங்கும் நிறுவனங்களுக்கும் இது பொருந்தாது.
- டிட்வா சூறாவளி அனர்த்த கடமைகளுக்காக ஊழியர்களை அழைக்கும் அதிகாரம் மாவட்ட செயலாளர்களுக்கு வழங்கப்பட்டுள்ளது.
- பாடசாலைகள் மற்றும் கல்வி நிறுவனங்கள் இயங்குவது தொடர்பான அறிவித்தல் கல்வி அமைச்சின் செயலாளரினால் தனியாக வழங்கப்படும்.
💡 சிக்கன நடவடிக்கைகள்
அனைத்து அரச நிறுவனங்களிலும் விழாக்கள் மற்றும் கருத்தரங்குகளை நடத்துவது உடனடியாக நிறுத்தப்பட வேண்டும் என அறிவுறுத்தப்பட்டுள்ளது. மேலும், மின்சாரம் மற்றும் எரிபொருளை மிகச் சிக்கனமாகப் பயன்படுத்துமாறு அனைத்துத் தலைவர்களுக்கும் வலியுறுத்தப்பட்டுள்ளது.
மேலதிக தகவல்களுக்கு எமது தளத்துடன் இணைந்திருங்கள்!
Tags
News